تندوری چائے گھر میں کیسے بنائیں؟؟؟ آسان ترکیب

تندوری نان اور تندوری چکن کے بارے میں نہ صرف آپ نے سنا ہو گا بلکہ کھایا بھی ہو گا لیکن لاہور سے شہرت پانے والی  تندوری چائے نے دھوم مچا دی۔ لاہور کے بعد کراچی میں  بھی تندوری چائے کو بے حد پسند کیا جارہا ہے۔  منچلے  اکثر تندوری چائے کے ہوٹلوں میں اس سے لطف اندوز ہونے پہنچ جاتے ہیں۔ چلیں آج  آپ کو بتاتے ہیں کہ تندوری چائے آپ گھر میں کیسے بنا سکتے ہیں۔

اجزاء

دودھ                                         3کپ

پانی                                           1کپ

الائچی                                        2عدد

سونف                                      1چوتھائی چائے کا چمچ

دار چینی                                     1درمیانہ ٹکڑا

ادرک کے ٹکڑے                        حسب ذائقہ

چائے پتی                                    4-5چائے کے چمچ

نمک                                         1چوتھائی چائے کا چمچ

شکر                                           4-5چائے کے چمچ

ترکیب

مٹی کے برتن کو تیز آنچ پر اچھی طرح تقریباََ 15-20 گرم کریں۔ دوسرے چولہے پر دودھ ، پانی اور الائچی ڈال کر ابال لیں۔ اب اس میں باریک کٹی ادرک، دار چینی ، سونف، شکر اور چائے کی پتی ڈال کر ابال لیں۔ اب 5-6منٹ تیز آنچ پر چائے کو اچھی طرح پھینٹیں اور چھان لیں ۔اس کے بعد مٹی کے برتن کو کسی گہرے برتن میں رکھیں اور گرم چائے کو تیز گرم مٹی کے برتن میں ڈالیں ۔تندوری چائے تیار ہے۔

  اس چائے کی خاص بات یہ ہے کہ چائے میں مٹی کی خوشبو اس کے مزے کو دوبالا کر دیتی ہے۔